#mrs1amologyVlog 從阿德爾出發 #Frozen
轉金卡的甜頭，終於嘗到了♡ 迪士尼新節目《魔雪奇緣音樂會：從阿德爾出發》千呼萬喚終於「開場」，作為「寵女狂」當然9秒9預約入場! 是日林小隆重其事，換上Elsa裙、紮埋Elsa髮型，再抱住媽媽喜歡的小白，帶著興奮的心情去睇呢場演唱會! ….. 有種 #五月之約 的感覺，5迷會懂，不過今次係幼兒版之嘛!
我地預約嘅係4點半場，點知3點8個字去到已經排咗好多人，奈何入場已經不是最靚位，不過唔緊要，因為原來成個音樂會係Live Band Live Show，大人小朋友一樣睇得投入、聽出耳油！音樂會由歌手演唱 Frozen 1 至 Frozen 2 多首經典金曲，當然Elsa、Anna…小白同基斯托夫仲會輪流出場，引黎不絕嘅尖叫聲，仲....落雪添！好精彩，值得入場啊！
